20 mijë vaksina nga kontrata e qeverisë shqiptare me Pfizer do të mbërrijnë para datës 20 Prill, ndërsa 23 mijë doza të tjera do të vijnë në muajin qershor përmes COVAX. Ministrja e Shëndetësisë Ogerta Manastirliu inspektoi qendrën e vaksinimit në Koplik bashkë me kreun e qeverisë Edi Rama, nga ku theksoi se pritet të merren dozat e tjera të vaksinës kineze të siguruara nga marrëveshja me kompaninë turke.
“Deri më tani procesi ka ecur shumë mirë. Do të kemi deri më 20 Prill, 20 mija vaksina nga Pfizer përmes Covax. Sot kemi marrë edhe një informacion për një nga dritaret që kemi aplikuar nga COVAX-i. Në qershor do kemi edhe 23 mijë vaksina të Pfizerit.
Ndërkohë që presim edhe vaksinat AstraZeneca dhe gjithashtu edhe vaksinat nga kompania turke, për kalendarin tjetër të distribucionit. Sot procesi ka vazhduar në të gjithë Shkodrën”, tha Manastirliu.
