Kreu i Kuvendit uron Presidenten e Kosovës, Vjosa Osmani! Ruçi: Vizioni e energjitë tuaja, garanci për lidership largpamës

113 563 lexime

106,048FansaPëlqeje

Pas zgjedhjes së Vjosa Osmanit në krye të shtetit të Kosovës, kryetari i Kuvendit të Shqipërisë Gramoz Ruçi, e ka vlerësuar figurën e saj.

Përmes një mesazhi urimi Ruçi shkruan se mbështetja dhe partneriteti i ngushtë me aleatët tanë strategjikë, Shtetet e Bashkuara të Amerikës dhe Bashkimin Europian, është premisa dhe garancia se Kosova do të përballojë e kapërcejë me sukses sfidat e vështira.

“Me rastin e zgjedhjes Tuaj Presidente e Republikës së Kosovës, në emër të Kuvendit të Shqipërisë dhe në emrin tim personal, Ju uroj suksese në detyrën Tuaj të lartë, të nderuar dhe fisnike. Jam i bindur se vizioni, ambiciet dhe energjitë Tuaja, të bashkuara me përvojën në drejtimin e institucioneve të rëndësishme të Republikës, do t’i garantojnë Kosovës një lidership të fortë, të qëndrueshëm e largpamës, popullit kosovar unitetin e harmoninë e nevojshme dhe institucioneve e forcave politike bashkëpunimin produktiv për të ecur përpara.

Mbështetja dhe partneriteti i ngushtë me aleatët tanë strategjikë, Shtetet e Bashkuara të Amerikës dhe Bashkimin Europian, është premisa dhe garancia se Kosova do të përballojë e kapërcejë me sukses sfidat e vështira dhe detyrat madhore të zhvillimit, përparimit, mirëqenies, integrimit euro-atlantik, rritjes së njohjes ndërkombëtare dhe kontributit për paqen, stabilitetin dhe sigurinë në rajon e më gjerë.”, shkruan në letrën e tij Kryetari i Kuvendit, z. Gramoz Ruçi.


Të fundit

Zjarri i madh përfshin godinën 19-katëshe, dhjetëra persona përfundojnë në spital

Një pallat 19-katësh në Londër, është përfshirë nga zjarri. Sipas mediave të huaja, zjarrfikëset janë lajmëruar nga vetë banorët...

E rëndë/ Covid-19 i merr jetën foshnjës 1 vjeç

Në 24 orët e fundit në Kosovë janë shënuar 4 viktima. IKSHPK ka njoftuar se nga COVID-19 ka vdekur edhe një 1-vjeçar nga Prishtina. “Brenda 24...

Selami Jenishehri habit me deklaratën e tij: E bëra Shqipërinë pjesë të OKB-së

Deputeti i opozitës së re, Selami Jenishehri, ka bërë një deklaratë të papritur ditën e sotme nga foltorja e Parlamentit duke thënë se ai...

Ndodh edhe kjo/ Plas grushti mes futbollisteve femra në mes të ndeshjes (Video)

Gjysmëfinalja e futbollit për femra në Bullgari përfundoi me një sherr masiv. Përballja mes Baroccos dhe Pirin që përfundoi me shifrat 2-1 degjeneroi në...

Kënga e shitësit të misrave nga Prizreni në rrugicat e errëta të Kostandinopojës në tetor të 1886

Nga Aurenc Bebja, Francë – 7 Maj 2021 “La Tradition” ka botuar, me 1 janar 1906, në faqet 15-17, një këngë të veçantë popullore shqiptare,...

Lajme të tjera

Web TV