Qindra qytetarë janë mbledhur jashtë spitalit në New York ku ndodhet i shtruar reperi i famshëm amerikan, DMX, duke u lutur për të. Legjenda e rapit, emri i vërtetë i të cilit është Earl Simmos, u shtrua në spitalin “White Plains” të premten pas një sulmi në zemër.
Gjendja e reperit mbetet kritike, raportojnë mediat e huaja. Të afërmit e tij kanë konfirmuar se reperi ndodhet në gjendje kome dhe në një ventilator. “Familja vlerëson të gjithë dashurinë dhe lutjet nga të gjithë njerëzit në të gjithë botën. Familja do t’i njoftojë të gjithë rreth të rejave.”
Policisë iu desh të bllokonte rrugën pas turmës së mbledhur për artistin që u rrit në Yorkers dhe i cili, me kalimin e viteve, i ka shërbyer komunitetit duke ndihmuar banorët në Ditën e Falenderimeve dhe duke dhuruar donacione tek qendra lokale e komunitetit, ku mori pjesë që i ri.
