Një 47-vjeçar është arrestuar pasi prej 4 vitesh përndiqte në mënyrë të vazhdueshme një grua E.Q. Ngjarja ka ndodhur në Krujë, ku pas denoncimit të E.Q, policia ka arrestuar 47-vjeçarin L.T., banues në Krujë.
47-vjeçari ka përndjekur gruan, e cila prej 4 vitesh ndihej e intimiduar dhe e frikësuar prej tij. Nuk dihen detaje të tjera nga ngjarja, ndërsa policia ka nisur hetimin.
“Specialistët për Hetimin e Krimeve në Komisariatin e Policisë Krujë kanë arrestuar në flagrancë shtetasin L.T., 47 vjeç, banues në Krujë, pasi dyshohet se në mënyrë të vazhdueshme (rreth 4 vite) ka përndjekur shtetasen E.Q. Materialet i kaluan Prokurorisë së Rrethit Gjyqësor Durrës, për veprime të mëtjeshme”, thuhet në njoftimin e policisë.
