Një burrë 72 vjeç nga Meksika dyshohet se regjistroi veten duke ngrënë eshtrat e ish-të dashurave të tij. Andrés Mendoza mund të jetë përgjegjës për vdekjen e të paktën nëntë grave për një periudhë 20 vjeçare, thonë autoritetet.
Ai u arrestua pasi policia gjeti trupin e copëtuar të të dashurës së tij në shtëpinë e tij në qytetin Azapan të Shtunën. Nëna e dy fëmijëve, Reyna González, 34-vjeç u raportua e zhdukur një ditë para se të shkonte në shtëpinë e Mendoza për të prishur marrëdhëniet e tyre, thonë autoritetet.
I dashuri i saj më pas pretendohet se i kishte futur një thikë në gjoks dhe më pas kishte përdorur një hanxhar për të prerë gjymtyrët e saj para se t’i fuste mbetjet e saj në një qese. Kur policia kontrolloi shtëpinë e Mendozës, ata gjetën çanta që kishin pjesë të trupit të vendosura në majë të një tavoline.
Por jo vetëm kaq pasi, kur policia nisi kontrollet me qen nuhatës vunë re edhe mbetje dhe flokë të disa grave të tjera. Hetuesit gjithashtu gjetën këpucë për gra, veshje dhe kartat e identifikimit të disa grave që u shpallën të zhdukura vite më parë. Policia sekuestroi një numër kasetash video që thuhet se përmbanin emra të disa grave, pamje të vrasjeve të tyre dhe një fletore që tregon emrat e 29 femrave, raporton Metro.uk.
