Detaje të reja bëhen me dije lidhur me ngjarjen e rëndë që ndodhi sot pasdite në Sepolia të Athinës, Greqi. Një sulm i armatosur ndodhir në një kafene në Rrugën Durrachiou ku mbeti i vrarë një 34-vjeçar shqiptar, i identifikuar si Aris Papas.
Viktima mori 8 plumba dhe ato në kokë kanë qenë fatalë për të. Ai u dërgua në spital me shenja jete, por ishte tepër vonë. Autori mori taksi dhe u largua me të shpejtë, ndërsa policia po punon për kapjen e tij.
Nëna e viktimës ka thënë për mediat se autoritetet e dinë se kush ia ka vrarë djalin, por nuk duan ta kapin. Ajo shpërtheu në lot kur mori vesh lajmin, dhe siç shihet nga video, duke folur greqisht ajo thotë: Pse ma vrave djalin, çfarë të bëri djali im ty?!
“E zeza unë, iku djali nga shtëpia. Kush më vrau djalin, o shqiptarë të qelbur, më vratë djalin ore qenër”, dëgjohet të thotë ajo në shqip në një video tjetër.
Kush ieshte viktima
Aris Papas, 34-vjeç ishte shqiptar i njohur për policinë pasi ishte i skeduar për vjedhje, grabitje me dhunë dhe vrasje e mbetur në tentativë. Viktima kishte rënë pre e një atentati në shkurt të këtij viti, por atëherë mundi të mbijetojë.
Në atë kohë, autorët kishin hipur në një taksi dhe po kërkonin të riun e ri në rrugicat e Agios Panteleimon. Kur e lokalizuan atë në kryqëzimin e rrugëve Michail Voda dhe Agorakritou, ata e qëlluan atë përmes taksisë dhe i kërkuan shoferit të vazhdonte kursin. Afër stacionit të Larissa, automjeti ngadalësoi, autorët panë një grup të DI.AS në një distancë të shkurtër, u trembën dhe u larguan nga automjeti. Viktima u plagos në anën e djathtë dhe u transportua në Kryqin e Kuq, ku iu dha ndihma e parë dhe u la.
Hetimi paraprak për çështjen e sotme kryhet nga Departamenti i Vrasjeve në Drejtorinë e Sigurisë së Atikës.
