Ministria e Punëve të Brendshme të Serbisë dhe policia kufitare në bashkëpunim me Drejtorinë e Policisë Kriminale në Novi Sad kanë konfiskuar më shumë se 41 kilogramë marijuanë, në pikën e kalimit kufitar të Batrovcit.
Sipas mediave lokale është arrestuar 35-vjeçari nga Lipjani me inicialet B.B. Personi në fjalë dyshohet për prodhim dhe shpërndarje të paautorizuar të lëndëve narkotike.
Policia zbuloi se në furgonin me targat sllovene ndodheshin rreth 73 paketime të lëndës narkotike.
I dyshuari është ndaluar për 48 orë ndërsa do të dërgohet në zyrën e prokurorit kompetent, i shoqëruar nga një raport penal.
