Jeff Bezos ka një datë për të përmbushur ëndrrën e tij për të udhëtuar në hapësirë.
Themeluesi i Amazon do të zhvillojë 20 korrikun e ardhshëm fluturimin e parë me ekuipazhin e Neë Shepard , raketa e prodhuar nga kompania e tij hapësinore Blue Origin , siç njoftoi vetë Bezos të hënën në llogarinë e tij në Instagram.
Udhëtimi është planifikuar vetëm 15 ditë pasi njeriu më i pasur në botë jep dorëheqjen nga posti i tij si CEO i gjigandit të tregtisë elektronike.
Nëse shkon me sukses, Bezos do të jetë i pari në garën e ndezur private hapësinore që do të përjetojë një udhëtim në bordin e teknologjisë së raketave në të cilën ai ka investuar miliona.
“Që kur isha pesë vjeç, kam ëndërruar të udhëtoj në hapësirë,” shkroi Bezos, 57 vjeç, në rrjetin social. Themeluesi i teknologjisë do të shoqërohet nga vëllai i tij më i ri Mark Bezos.
“Aventura më e madhe, me mikun tim më të mirë”, shkruajti ai në një mesazh të shoqëruar me një video në të cilën fton vëllain e tij të jetojë këtë përvojë me të. Bezos shpjegon se duke parë Tokën nga hapësira “ju ndryshon dhe ndryshon marrëdhënien tuaj me planetin dhe me njerëzimin”.
View this post on Instagram
