Vendimi i Princit Harry dhe bashkëshortes së tij Megan Markle për të quajtur vajzën e tyre të porsalindur “Lilibet Diana” nuk është parë nga të gjithë si një mundësi për të ftohur gjakrat me pallatin mbretëror.
Zëdhënësja e pallatit mbretëror Anxhela Levin e ftuar në emisionin “Good Morning Britain” , tha se mbretëresha Elisabeta është e pikëlluar me zgjedhjen e emrit të çiftit për vajzën e tyre.
Levin theksoi se Lilibet thërasin mbretëreshën të afërmit e saj dhe se nuk është e përshtatshme të përdoret ky emër nga çifti pas konflikteve të muajve të fundit.
Sipas saj Mbretëresha e sheh me mëdyshje vendimin, pasi siç shpjegon zëdhënësja e pallatit kështu e thërriste babai i saj George VI mbretëreshën kur ajo ishte e vogël ashtu si dhe bashkëshorti i saj i ndjerë princ Filipi.
E pyetur në emision, nëse mendonte se Mbretëresha do të ishte e lumtur me zgjedhjen e emrit të foshnjës, Levin u përgjigj: “Jo pas asaj që ndodhi. Unë mendoj se ajo është thellësisht e pikëlluar. Nuk më duket ide e mirë. Mendoj se është një lëvizje mjaft e vrazhdë drejt Mbretëreshës … Ishte një emër përkëdhelës shumë personal” i përdorur nga burri i saj, të cilin humbi së fundmi. Princi Charles kurrë nuk do ti referohej nënës së tij “Lilimpet”. Ai kurrë nuk e ka përdorur atë emër, ishte diçka e veçantë që lidhej kryesisht me Dukëne Edinburgut ” , tha Levin duke shtuar se Elisabeta e përshkroi vendimin e çiftit si “një gjest të ulët “.
