Ky është Ylber Xhahysa, 44-vjeçari i cili u vra me armë zjarri mëngjesin e sotëm në Peqin nga Leonard Bashaliu, 36 vjeç.
Ngjarja është regjistruar rreth orës 08:30 të mëngjesit të kësaj të marte pas një sherri të çastit i cili përfundoi tragjikisht. 44-vjeçari u transportua me urgjencë në spital, por nuk mundi që t’i mbijetonte plagëve të marra nga arma e zjarrit.
Policia arrestoi autorin e ngjarjes Leonard Bashaliun, 36 vjeç vetëm disa minuta pas krimit.
