Ndërkohë që Gjykata e Tiranës ka lënë në burg Dhurata Saliaj 33-vjeç dhe babain e saj Mexhit Picari, pasi në bashkëpunim ekzekutuan ish- bashkëshortin e saj Kudret Saliaj, janë zbardhur dëshmitë e tyre para Gjykatës.
33-vjeçarja ka deklaruar se nuk ishte në djeni lidhur me vrasjen në të kundërtën ajo s;do ta lejonte kurrë të pandehurin të vriste babain e fëmijëve të saj.
“Atë ditë isha për gjykatë. S’e dija që babi do bënte vrasje. S’do e lejoja kurrë. Kudreti ishte babai i fëmijëve të mi, s’do e lejoja. Kërkoj mëshirë nga Gjykata, kam tre fëmijë për të rritur”, mësohet të ketë thënë Dhurata në sallën e gjyqit.
Nga ana tjetër Mexhit Picari ka kërkuar ndjesë dhe falje për vrasjen e dhëndrit të tij, Kudret Saliaj , kur Gjykata njoftoi masën e sigurisë “arrest me burg”.
“Kërkoj ndjesë publikisht për çfarë kam bërë edhe falje. Të më falin nipërit dhe mbesat, i kërkoj falje edhe vajzës që i vrara burrin. Dhurata s’ka patur dijeni. Pistoletën e kisha në brez dhe se mora në çantën e gocës”, është shprehur Picari.
