Një sasi eksplozivi ka shpërthyer në ambjentet e kantinës Gjergj Kastrioti Skënderbej në Durrës, pronë kjo që administrohet nga Lefter Koka.
Raportohet se ngjarja ka ndodhur tre ditë më parë dhe se nga ana e deputetit Lefter Koka, nuk është bërë asnjë deklaratë publike për këtë ngjarje.
Policia ka arrestuar Gentjan Metaj,i cili dyshohet si autor i krimit të ndodhur mbi tarancën e kompleksit të biznesit. Sot Gjykata e Durrësit ka vendosur masën e sigurisë arrest në burg për Gentjan Metaj. Dyshimet flasin se krimi ka ndodhur për shkak të konkurencës por nuk përjashtohen dhe pistat e tjera.
Metaj është kapur nga policia me një telefon në dorë dhe një aparat që shërbente për orientimin në ajër të dronit.
Sasia e tritolit që i është vendosur biznesit të Lefter Kokës, është transportuar me një Dron fluturues.
Nuk dihet me saktësi nëse ka pasur dëme material nga shpërthimi. Ndërsa për dëmtime në njerëz nuk është raportuar nga policia e Durrësit.
