Banka e Shqipërisë ka njoftuar se gjatë javës së ardhshme, në 15 qershor, do të prezantohen dy prerjet e radhës së serisë së re të kartmonedhave shqiptare.
Në ambientet e Bankës së Shqipërisë do të prezantohet kartmonedha prej 1000 lekë dhe risia, kartmonedha 10.000 lekë.
“Ditën e martë, datë 15 qershor 2021, ora 11:00, në ambientet e Bankës së Shqipërisë do të organizohet prezantimi i dy prerjeve të radhës së serisë së re të kartëmonedhës shqiptare, përkatësisht 1000 Lekë dhe 10000 Lekë”, njofton Banka e Shqipërisë.
Në kartmonedhën 10.000 lekëshe vihet re se do të jetë foto e Asdrenit, rilindasit që shkroi tektin e Himnit të Shqipërisë.
Ndërkohë, gjatë vitit 2021 pritet që të hidhet në qarkullim edhe kartmonedha e re 2000 lekë, pasi kartmonedhat me vlerë 200 dhe 5000 lekë u hodhën në treg në 30 shtator të vitit 2019.
