Drejtoresha e Bashkisë së Tiranës, ka rënë pre e dhunës nga një 34-vjeçar i cili menjëherë është arrestuar nga Policia e Tiranës.
Burime për policinë bëjne me dije se Erinda Fino, 40-vjeç me detyrë Drejtuese e Agjensisë së Parqeve dhe Rekreacionit është dhunuar nga shtetasi M.P.
Mbi 34-vjeçarin rëndon akuza “Goditje për shkak të detyrës”, ndërkohë që materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.
Nuk dihet ende arsyeja që ka çuar 34-vjeçarin në këtë akt të rëndë.
Njoftimi i plotë i Policisë:
Nga specialistët për Hetimin e Krimit në Komisariatin e Policisë Nr.2 u bë arrestimi në flagrancë për veprën penale “Goditje për shkak të detyrës” i shtetasit M. P., 34 vjeç, pasi ka goditur për shkak të detyrës shtetasen E. F., 40 vjeçe, me detyrë me detyrë Drejtuese e Agjensisë së Parqeve dhe Rekreacionit.
Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.
