José Mourinho kërkon ribashkimin me Sergio Ramos pas tre sezonesh sëbashku në Madrid. Ishte thjesht çështje kohe para se te raportohej një kontakt mes teknikut portugez dhe qendër mbrojtësit 35-vjeçar.
Roma duket se ka një repart mbrojtës relativisht të mirë me lojtarë të rinj si Gianluca Mancini, Roger Ibañez dhe shqiptari Marash Kumbulla. Megjithatë largimi i mundshëm i Juan Jesus dhe Federico Fazio ka bërë që Mourinho të interesohet për Ramos. Pavarësisht një sezoni të dobët me vetëm 15 paraqitje, veterani spanjoll duket zgjedhja ideale për prapavijën e ekipit kryeqytetas.
Roma nuk është e vetme në garë për nënshkrimin e marrëveshjes me legjendën madrilene me ekipe si Milani dhe City që kanë shprehur interesimin për të. Megjithatë, marrëdhënia e ngushtë mes Mourinhos dhe Ramos i jep avantazh portugezit për të firmosur me spanjollin këtë merkato.
