Ronela Hajati është një ndër këngëtaret më të përfolura dhe të dashura për shqiptarët dhe jo vetëm. Karakteri i saj moskokëçarës ka bërë që Ronela të komentohet shpesh herë nga mediat rozë.
Së fundmi, ajo ka vendosur që të flasë gjerë e gjatë për jetën e saj private. Gjatë një interviste të dhënë Ronela është ndalur në shumë kapituj, një prej tyre kanë qenë edhe episodet e vështira që i është dashur të kalojë.
Ronela ka rrëfyer se viti 2020 ka qenë i “tmerrshëm” edhe sipas saj vijon të jetë ashtu, mirëpo forca që ka brenda vetes ka bërë që të ecë para pa u kuptuar nga ndjekësit se me Ronelën ka diçka që nuk shkon.
“Unë jam e fortë. Kam kaluar momente që njerëzit nuk i dinë as edhe nuk do i dinë ndonjëherë.
Kam qenë aq keq sa kam thënë si do ec jo më si do shfaqem, por përsëri kam dalë sikur nuk ka ndodhur asgjë. Viti 2020 edhe vazhdimi i 2021, mund të them që 2020 dhe 2015 kanë qenë vite të tmerrshme për mua. Jo vetëm nga fakti i pandemisë, por nga shumë gjëra që ndonjëherë të tronditet jeta dhe ti nuk e pret fare.
Gati e tillë po vazhdon por, të kemi shëndet kjo ka rëndësi. Është e vetmja gjë që unë i lutem zotit, nëse unë kam shëndet i bëj të gjitha. Të gjithë duhet të luten para që të flenë që të kenë shëndet, se nuk ka si jeta. E tillë është jeta, arrin një moment kur thua nuk ke çfarë bën dhe do vazhdosh do e shtysh”, thotë Ronela.
