Një shtetas rreth 45 vjeç është gjetur i pajetë në rrugën “Gramoz Pashko” tek Ish-Studenti.
Raportohet se 45-vjeçari, identiteti i të cilit nuk bëhet ende me dije ka pësuar arrest kardiak teksa po bënte stërvitje.
Sipas njoftimit të policisë, nga këqyrja paraprake nuk janë konstatuar shenja dhune, por pritet ekspertiza e plotë për të konfirmuar shkaqet e vdekjes.
Njoftimi i plotë i policisë:
Me datë 23.06.2021, në rrugën “Gramoz Pashko” tek Ish-Studenti, është gjetur pa shenja jete një shtetas ende i paidentifikuar, rreth 45 vjeç. Nga kqyrja paraprake nuk janë konstatuar shenja dhune dhe dyshohet se humbja e jetës ka ardhur si pasojë e një arresti kardiak. Grupi hetimor punon për sqarimin e rrethanave të ngjarjes.
