Një tjetër aksident është regjistruar sot në Shqipëri. Një i ri, që po udhëtonte me një motor, mbeti i plagosur në Elbasan, në afërsi të urës së Zaranikës.
Sipas informacioneve të para, një makinë tip “Ford” që drejtohej nga një femër ka përplasur të riun, i cili mësohet se e kishte marrë skuterin me qira dhe po bënte xhiro në qytet.
I riu ndodhet në gjendje të rëndë shëndetësore dhe është dërguar në spitalin kirurgjik.
Policia dhe grupi hetimor po punojnë për zbardhjen e rrethanave të ngjarjes.
