Një tragjedi e vërtetë ka ndodhur në Sardenja të Italisë. Një 60-vjeçar është futur në det për të shpëtuar vajzën e tij dhe 2 shoqet e saj dhe në përfundim arriti t’i nxirrte të gjalla të tre, por humbi jetën e vet.
Zemra nuk mundi që ta përballonte gjithë atë presion dhe pësoi infarkt.
Një tragjedi është shënuar në Itali ku një 60-vjeçar ka gjetur vdekjen pas një arresti kardiak në zemër, vetëm pak sekonda pasi shpëtoi vajzën e tij dhe dy shoqet e saj nga mbytja.
60-vjeçari Fernando Porcu nuk u mendua dy herë por hyri mes dallgësh kur pa se vajza dhe shoqet e saj ishin në vështirësi.
Ai me sforco të madhe i nxorri vajzat shëndoshë e mirë në breg, por vetë humbi jetën tragjikisht, pasi zemra e tij nuk mundi të përballojë të gjithë atë presion dhe pësoi infarkt.
Një ekip mjekësor u mundua ta mbajë në jetë madje në bregdetin e Sardenjës mbërrit edhe një helikopter për ta shpëtuar, por për të ishte shumë vonë.
Mësohet se fillimisht 60-vjeçari nxorri në breg vajzat, por më pas u tërhoq nga dallgët e mëdha. Ai arriti edhe një herë të kthehej në breg, ndërsa disa persona të pranishëm e ndihmuan të dalë jashtë ujit.
Por lumturia nuk zgjati shumë pasi u shemb në tokë dhe ndërroi jetë. Kjo ngjarje e rëndë ka tronditur komunitetin në Sardenjë ndërsa lajmi për heroizmin e tij u bë viral në rrjet.
