Një 38-vjeçar është arrestuar nga Policia e Kukësit, pasi dyshohet se ka aksidentuar me makinë një këmbësor. Ngjarja ka ndodhur në aksin rrugor Kukës-Uzinë, ndërsa 38-vjeçari me inicialet S. Gj., duke drejtuar automjetin tip “Benz”, ka aksidentuar shtetasin B. P., 67 vjeç, banues në Kukës.
Sipas informacioneve të policisë, mësohet se 67-vjeçari, pasi ka marrë ndihmën e parë mjekësore në spitalin rajonal Kukës, është transportuar për mjekim më të specializuar në Spitalin e Traumës Tiranë.
