Një nga ngjarjet më të bujshme dhe që shkaktoi shumë polemika në Euro 2020 ishte momenti kur Marko Arnautoviç shënoi golin e 3-të në fitoren e Austrisë kundër Maqedonisë së Veriut.
Kjo pasi në vend që këtë moment ta shijonte duke festuar, sulmuesi austriak me origjinë serbe ofendoi me fjalë banale një nga lojtarët shqiptarë të Maqedonisë së Veriut.
“Të q*** mamanë shqiptare“, ishte fraza e turpshme e thënë nga Arnautoviç. Alaba nxitoi menjëherë t’i mbyllte gojën futbollistit, por ishte shumë vonë pasi fraza e tij i kaloi kufijtë e futbollit.
Më vonë futbollisti me origjinë serbe nuk ngurroi as të kërkonte ndjesë sa për sy e faqe, por nuk mjaftoi pasi UEFA e dënoi me një ndeshje pezullim.
Megjithatë, shqiptarët nuk e kanë të lehtë t’i pranojnë ofendimet dhe aq më tepër të heshtin në kësisoj rastesh. Përgjigjia ndaj Arnautovic ka ardhur edhe mbrëmjen e djeshme në sfidën Itali-Austri ku në shkallët e Ëemblyt, një tifoz shpalosi banderolën me mbishkrimin: “Arnautovic, të fala mamit”.
Ky gjest me siguri nuk do t’i ketë pëlqyer Arnautovic, por ai vetë duhet ta fiksojë mirë se nuk është e lehtë të ngatërrohesh me shqiptarët.
