Një sipërfaqe me shkurre, pemtari e pyje, në fshatin Shemri të Kurbinit është përfshirë nga zjarri ditën e sotme.
Flakët vijojnë të djegin që prej dy orësh, ndërsa janë punonjësit e OST të cilët po përpiqen të izolojnë flakët që të mos rrezikohet linja 400 KW që ndodhet aty pranë.
Gjithashtu janë lajmëruar edhe zjarrfikësit për të ndërhyrë për shuarjen e flakëve, që favorizohen edhe nga temperaturat e larta dhe erërat. Nuk dihen ende shkaqet e zjarrit, ndërsa policia është nisur drejt vendngjarjes për të hetuar.
