Rama sërish kritika BE-së: Kosova duhet të ishte pa viza, ne dhe Maqedonia s’duhet të rrimë gjithë kohës në Zoom

113 563 lexime

106,048FansaPëlqeje

Kryeministri i vendit, Edi Rama ka folur sot te “Pallati i Brigadave” gjatë pritjes zyrtare për anëtarësimin e Shqipërisë në Këshillin e Sigurisë në BE.

Ai falenderoi vendet e bllokut të lindjes për mbështetjen dhe anëtarët e vendeve të OKB për votëbesimin, por nuk nguroi të bëjë sërish kritika ndaj BE-së.

Sipas Ramës, vlerat që mbart BE e që janë vlera universale, duhet t’i vërë në punë, dhe Kosova të mos presë më ende vizat për të lëvizur lirshëm, ne dhe Maqedonia e Veriut të mos zhvillojmë vetëm takime në zoom, por të afrohemi brenda familjes europiane.

Edi Rama: Anëtarësimi në Këshillin e Sigurisë është jo thjesht një sukses i madh, por edhe i dobishëm, për të kuptuar se pavarësisht përmasave të vendit tonë, Shqipëria mund dhe duhet të bëjë më shumë për vete dhe për të tjerët, për Rajonin. Në vendimin e 11 qershorit, morëm besimin nga 175 vende. Kjo është arritje dhe për Ballkanin Perëndimor, sepse është ulur në këtë tryezë vetëm një herë më parë. Kemi krijuar një standart besueshmërie dhe maturie me këtë zgjedhje. Falenderoj të gjitha vendet që e mbështetën vendin tonë në këtë stacion ku asgjë nuk ishte e sigurtë dhe për ku punuan, besuan dhe arritën ta paraqesin bukur kandidaturën e Shqipërisë, diplomatë tanët që i falenderoj me respekt. Është një mësim inkurajues ky, për të besuar më shumë që Shqipëria të bëhet me shpejt. Afrimi i asaj dite është sfida dhe angazhimi ynë. Unë së bashku me shumicën e zgjedhur do ta jetojmë këtë sfidë, për t’u zgjuar më herët dhe për të punuar deri vonë. Për të pushuar më pak dhe për të punuar më shumë.

Jetojmë në kohëra jo të lehta, që për ne këtu u rënduan nga tërmeti dhe pandemia. Ia dolëm dhe them se mënyra si ia dolëm është inkurajuese për të nxjerrë nga vetja më të mirën tonë. Pandemia na sprovoi shumë, por na provoi që mund të ngjitemi edhe më lart. Politika europiane sot nuk është një det i qetë dhe nuk është koha e duhur për t’u bërë pjesë e familjes europiane.

Lexo edhe :  Nga sot hyjnë në fuqi masat e reja lehtësuese, Manastirliu thirrje: Mbetet ende alerti nga varianti Delta

Një mendje e ndritur që kishte dëgjuar fjalimin tim në Samitin e Berlinit, më tha se “vlerat që t’i i quan të BE-së, nuk janë vlera të tyret, por universale. Nuk është vetëm Shqipëria dhe Ballkani që përpiqen të jetojnë me ato vlera, por edhe vetë BE”. Nëse ato vlera do të ishin vetëm të BE, Kosova nuk do të ishte duke pritur liberalizimin e vizave, ne dhe Maqedonia nuk do rrinim e të prisnim në zoom. Por është më mirë të jesh i rrethuar nga kufijtë e BE se sa nga telat me gjemba, siç ishte ky vend vite më parë.

Në Këshillin e Sigurisë, vendi ynë s’do shkojë për të mbushur një karrige, por do të shkojë me një axhendë prioritetesh, që përfaqësojnë vlera të Shqipërisë moderne. Barazia gjinore, do e paraqesim jo si një vend që ka të drejtën ta thotë fjalën sepse çdo kush ka të drejtë ta thotë fjalën, por sepse është një nga 10 vendet e para në botë në klasifikimin e OKB-së, për sa i takon barazisë gjinore në qeveri, por edhe në nivelet e mëposhtme. Kemi guximin për të përfshirë gratë dhe vajzat në vendimarrje. Atje ka një axhendë, dhe ne do mbështesim me të gjithë forcën pjesëmarrjen e fortë dhe të barabartë të të gjitha grave dhe vajzave. Ne kemi detyrimin që të këmi angazhim në mbrojtje të të drejtave të njeriut, sepse jemi vend që kemi një histori, jemi në një rajon që historia e të cilit ka dhënë mësimin se e drejta e njeriut është shtylla e pashmnagshme e platformës për ndërtimin e shoqërive më të mira. Kemi luftën ndaj terrorizmit.


Të fundit

Rama sërish kritika BE-së: Kosova duhet të ishte pa viza, ne dhe Maqedonia s’duhet të rrimë gjithë kohës në Zoom

Kryeministri i vendit, Edi Rama ka folur sot te “Pallati i Brigadave” gjatë pritjes zyrtare për anëtarësimin e Shqipërisë...

Pritja zyrtare/ Anëtarësimi i Shqipërisë në Këshillin e Sigurimit, Rama: Fitore e shqiptarëve

Një pritje zyrtare po zhvillohet me rastin e anëtarësimit të Shqipërisë në Këshillin e Sigurimit. Eventi ka bërë bashkë përfaqësues të trupit diplomatik të akredituar...

“Nëse do kishte fytyrën siç ka barkun…”/ Ministri i Brendshëm i Serbisë ofendon presidenten Vjosa Osmani

Ministri i Punëve të Brendshme të Serbisë, Aleksandar Vulin, ka fyer presidenten e Kosovës, Vjosa Osmani. Ai është marrë me një deklaratë të presidentes Osmani,...

Pas 9 ditësh, fiket zjarri në malin e Tomorit! Digjen rreth 25 hektarë pyll me pisha

Pas 9 ditësh nën "pushtetin" e flakëve, më në fund zjarri në malin e Tomorit është shuar. Zjarri ra në pyllin me pisha, që...

Pritjes së ëmbël i erdhi fundi, Eni Vasili sjell në jetë dy binjaket

Moderatorja Eni Vasili është bërë nënë për herë të parë. Ajo ka sjellë në jetë dy vajza binjake. Lajmi është bërë i ditur nga...

Lajme të tjera

Web TV