Një nënë nga Zelanda e Re u ka vendosur fëmijëve e saj emrat: Metallica, Slayer dhe Pantera. Pikërisht siç quhen tre grupet e famshme “heavy metal”.
Regjisori David Farrier shkroi në Twitter se kjo grua, fanse e madhe e kësaj rryme muzikore, i ka thënë se “nuk është e lehtë që të rrisësh 3 nga bandat muzikore më të egra në botë”.
Grupi Pantera u nda në vitin 2003, Slayer dolën në pension në vitin 2019 dhe vetëm Metallica vijojnë të jenë aktivë.
Ligji i Zelandës së Re nuk ka kufizime sa i përket emrave të fëmijëve, përveç rasteve kur fjala është ofenduese.
