Ministrja Gjonaj takim me homologun maqedonas: Në fokus lufta kundër krimit të organizuar dhe korrupsionit

113 563 lexime

124,178FansaPëlqeje

Ministrja e Drejtësisë, Etilda Gjonaj priti sot homologun e saj nga Maqedonia e Veriut, Bojan Marichikj. Të dy ministrat biseduan mbi marrëdhëniet dypalëshe dhe bashkëpunimin gjyqësor si dhe marrëveshjet aktuale të zbatueshme.

Gjithashtu ministrat shkëmbyen pikëpamjet për ecjen bashkarisht në rrugën e eurointegrimit. Fillimisht ministrat parashtruan ecurinë e reformave dhe shkëmbyen informacionin për funksionimin e institucioneve. Temë thelbësore në bisedime ishte përpjekja për forcimin e shtetit të së drejtës, lufta kundër korrupsionit dhe qarkullimit të parave të paligjshme.

Gjithashtu ministrat u përqendruan në sfidat e ngjashme që hasin të dy vendet në zëvendësimin e kulturës së pandëshkueshmërisë me kulturën e integritetit, si dhe perspektivën për çeljen e negociatave me Bashkimin Evropian.

Të dy qeveritë sikurse theksuan ministrat, kanë në fokus të veçantë luftën kundër krimit të organizuar dhe korrupsionit transnacional, pastrimit të parave dhe krimit ekonomik si dhe angazhimet e ndërmarra në nivel rajonal e të përcaktuara në Takimin e Nivelit të Lartë të Ohrit të datës 25 qershor, ku u miratua nga institucionet respektive Udhëzuesi Rajonal mbi Antikorrupsionin dhe Flukset e Paligjshme të Parave.

Në kuadrin e integrimit evropian ministrat u pajtuan për shkëmbimin e përvojave duke ecur njëherazi me harmonizimin e legjislacionit në kapitujt 23-24 të legjislacionit të Bashkimit Evropian dhe mbështetjen e ndërsjellë në plotësimin e kritereve politike për hapjen e negociatave. Ministri Marichikj ftoi zonjën Gjonaj për një vizitë zyrtare në Shkup.

Të fundit

Gjermania dhe Austria do t’i sanksionojnë Dodikun dhe dy bashkëpunëtorët e tij

Lideri i serbëve të Bosnjës, Millorad Dodik dhe dy bashkëpunëtorët e tij të ngushtë, do ta kenë të ndaluar...

“Vulin të mos jetë pjesë e qeverisë” – Shpërthen Moska: Serbia shtet sovran, BE po mbytet

"Ndërhyrja e paturpshme e burokratëve evropianë në punët e brendshme të një shteti sovran si Serbia është e papranueshme". Me këto fjalë zëdhënësja e Ministrisë...

Kam përjetuar padrejtësi e shtypje”, ish-nusja e Mehmet Shehut flet për bindjet politike

Ajo njihet si ish-nusja e djalit të Mehmet Shehut, një fejesë që nuk u kurorëzua kurrë në martesë më Skënderin. Fjala është Silva Turdiun e...

Të rinjtë shqiptar jetojnë me prindërit, të dytët pas Malit të Zi

Të rinjtë shqiptarë, largohen nga trungu familjar, vetëm kur u duhet të emigrojnë ose të shkojnë për të studiuar jashtë qytetit të tyre të...

“Çfarë kujtimi i ëmbël”, Jessica Alba kujton 20 vjetorin e “Sin City”

Pjesëmarrja e Jessica Alba në filmin “Sin City” nga Robert Rodriguez dhe Frank Miller ishte një nga më të rëndësishmit në karrierën e saj. Pjesëmarrja...

Lajme të tjera

Web TV