Një valë nxehtësie ekstreme ka goditur SHBA perëndimore, ku për të tretën ditë me radhë janë regjistruar temperatura rekord deri në 54 gradë Celsius.
Në Luginën e Vdekjes në Kaliforni, temperatura ka arritur në 54.4 gradë Celsius, duke rritu rrrezikun edhe për zjarre. Autoritetet kanë ngritur në disa zona të caktuara hapësira publike me ajër të kondicionuar për të ndihmuar banorët.
Temperaturat e larta shkaktuan ndërprerje të energjisë elektrike dhe zjarre të mëdha në pyje, ku në Oregonin jugor, flakët rrezikuan edhe disa banesa.
Shërbimi Kombëtar Meteorologjik tha se pjesa më e madhe e rajonit do të përfshihet nga temperatura jashtëzakonisht të larta, ndërsa paralajmëroi banorët nxehtësia mund të jetë e rrezikshme për shëndetin e fëmijëve të vegjël dhe të moshuarve.
