Një person është arrestuar në Shijak dhe dy të tjerë janë shpallur në kërkim, pasi akuzohen se kanë goditur me sende të forta një 25-vjeçar si dhe kanë qëlluar me armë zjarri në ajër. Mësohet se në pranga ka rënë Astrit Keçi, ndërsa u shpallën në kërkim Xhulio Keçi dhe Kleart Keçi, të cilët kishin marrëdhënie familjare me njëri-tjetrin.
Ata dhunuan Denis Gjecin duke i shkaktuar dëmtime të lehta në trup, ndërsa, gjatë largimit nga vendngjarja, kanë qëlluar në ajër me armë zjarri në Shijak, duke prishur qetësinë publike.
Po ashtu është arrestuar edhe Fabian Calliku dhe u shpall në kërkim vëllai i tij shtetasi Amadeo Calliku, pasi kundërshtuan policët gjatë shoqërimit të personave që mund të kishin dijeni për ngjarjen e ndodhur.
Nuk dihen ende arsyet se përse të rinjtë u konfliktuan, ndërsa policia ka nisur hetimet.
