Heinrich Boll i lind në 21 dhjetor 1917, në Cologne dhe vdiq më 16 korrik 1985, në Kreuzau. Ka qenë një shkrimtar gjerman, fitues i Çmimit Nobel për Letërsinë.
Heinrich Böll u lind në Këln, Gjermani, në një familje katolike pacifiste, që më vonë i doli kundër nazizmit. Ai refuzoi t’i bashkohej Rinisë Hitleriane gjatë viteve ’30. Punoi si ndihmës në një librari para se fillonte studimet në gjermanisht në Universitetin e Këlnit. I rekrutuar nga Wehrmacht, shërbeu në Francë, Rumani, Hungari dhe Bashkimin Sovjetik dhe u plagos katër herë para se të kapej rob nga amerikanët në prill 1945 dhe të dërgohej në një kamp të të burgosurve të luftës.
Në vitin 1947 u bashkua me “Grupin 47”. Ai ishte president i PEN-ës gjermane, ndërsa nga viti 1971, edhe i PEN-shoqatës ghithëpërfshirëse. Ishte edhe ligjërues i poezisë në Frankfurt.
Böll u bë shkrimtar me kohë të plotë në moshën 30-vjeçare. Romani i tij i parë Der Zug war pünktlich (Treni mbërrin në kohë) u botua në vitin 1949. Shumë romane të tjera, tregime, sprova dhe pjesë dramatike për radio e pasuan atë dhe në vitin 1972 ai mori çmimin “Nobel” në letërsi. Vepra e tij është përkthyer në më shumë se 30 gjuhë, përfshirë edhe gjuhën shqipe, dhe ai është një prej autorëve më popullorë në Gjermani. Böll ishte shume i lidhur me qytetin e tij të lindjes Këlnin dhe me rrënjët e tij të forta katolike, por edhe me sensin e humorit të vrazhdë. Në periudhën e pasluftës ai u mor me kujtimet e luftës dhe efektin që ato kishin-materialisht dhe psikologjikisht-në jetën e njerëzve të zakonshëm.
Në vitin 1972 ai fitoi Çmimin Nobel për Letërsi.
.
