Rusia ka provuar me sukses lëshimin e një rakete hipersonike “Tsirkon”. Sipas Ministrisë Ruse të Mbrojtjes, raketa u lëshua nga anija luftarake Admiral Gorshov nga Deti i Bardhë me shënjestër në brigjet e detit Barents.
Gjatë provës, u kontrolluan karakteristikat taktike dhe teknike të raketës. Regjistroi një shpejtësi fluturimi prej rreth 8,500 kilometra në orë, domethënë është mjaft e shpejtë për të udhëtuar nga San Francisko në Uashington për pak më shumë se tridhjetë minuta.
Sipas presidentit rus Vladimir Putin, “Tsirkon” është i aftë të fluturojë me një shpejtësi nëntë herë më shpejt se tingulli dhe mund të godasë caqe tokësore dhe detare.
Sipas ekspertëve të teknologjisë ushtarake, kjo raketë fluturon me një trajektore balistike atmosferike aq të ulët sa që mund të depërtojë në sistemet tradicionale të mbrojtjes nga raketat dhe shpejtësia e saj e lartë e bën shumë të vështirë për çdo marinë të mbrohet.
