Pas Europës Perëndimore, moti i keq është zhvendosur në Lindje, në Kinë duke shkaktuar përmbytje masive.Rrugët dhe stacionet e metrove janë zhytur në të gjithë provincën Henan të Kinës, çka ka çuar në mbylljen e qytetit.
Tempulli Shaolin, i njohur për mësimin e arteve marciale të murgjve budistë, gjithashtu u dëmtua rëndë nga përmbytjet. Ndërsa më shumë se 10 mijë banorë të provincës Henan janë zhvendosur në strehimore. Ende nuk dihet se sa njerëz janë të bllokuar në stacionet e trenave, por rreth 300 njerëz janë shpëtuar deri më tani.
Kina përjeton përmbytje të rregullta gjatë muajve të verës, por rritja e qyteteve dhe shndërrimi i tokës bujqësore në periferi rrit kostot pas ngjarjeve të tilla. Edhe gjatë 24 orëve të ardhshme pritet të ketë reshje intensive.
