A do të ketë ndryshime në qeveri? Veliaj nuk e përjashton: Kryeministri ka në fokus ripërtëritjen

113 563 lexime

124,178FansaPëlqeje

Kryetari i Bashkisë së Tiranës, Erion Veliaj nuk përjashton mundësinë se shtatori dhe qeveria e mandatit të tretë të Partisë Socialiste mund të vijë e ripërtërirë.

“Ajo që di dhe shoh është se Kryeministri ka filluar një diskutim, ftesë, dialog të jashtëzakonshëm me të rinjtë”, tha ai në një intervistë për News24.

Kryebashkiaku nuk përjashton ndryshimet dhe ripërtëritjen edhe brenda vetë Partisë Socialiste.

“Një parti që nuk hapet ndaj të rinjve është e destinuar të ketë fatin e PD dhe LSI. I njëjti kryetar, kunat, qepen dhe ja ku janë. Suksesi i PS ka qenë hapja. Fakti që kryeministri ka kaluar 15 seanca është fokusi tek ripërtëritja e partisë dhe administratës. Do të shihni shumë të reja, edhe në nivel drejtues dhe teknik”, vijoi ai.

Veliaj iu referua takimeve të organizuara nga ana e Kryeministrit Edi Rama në kuadër të nismës “Gati për Shqipërinë”.

Sipas kryebashkiakut, energjitë e reja nevojiten për të siguruar kapacitetet teknike për procesin e negocimit me Bashkimin Europian. “Do të jetë gjueti talentesh për qeverinë dhe projekte speciale”, deklaroi ai.

Gazeta Shqip ka paralajmëruar së fundmi përmes shkrimeve të saj se qeveria “Rama 3” do të pësojë disa ndryshime thelbësore në krahasim me qeverinë që po mbyll mandatin. Sipas burimeve të Gazeta “Shqip”, kryeministri Edi Rama po mendon të rrisë numrin e ministrive. Të paktën do të ketë tre ministri më shumë në “Rama 3”.

Mendohet të ndahet ministria e Ministria e Infrastrukturës dhe Energjisë, ndërsa një ide më vete është edhe krijimi i Ministrisë së Ekonomisë me vete dhe e Financave më vete. Sipas burimeve mësohet se tashmë edhe godina e re ministrore për infrastrukturën është gati dhe se pritet që me ndryshimet e votimin e ministrave në Parlament të ndahet më dysh administrata e Ministria e Infrastrukturës dhe Energjisë, duke ia ndarë në mënyrë specifike dhe fushat.

Lexo edhe :  14 vite nga liberalizimi i vizave me BE/ Basha: Misioni i radhës, heqja e vizave me SHBA

Gjithashtu pritet edhe reduktimi i ministrave të Shtetit, ku mund të shkrihet posti i ministrit të Sipërmarrjes.

Më 9 shtator pritet të mblidhet parlamenti i ri i dalë nga zgjedhjet e 25 prillit. Më pas, Edi Rama duhet të paraqesë te presidenti emrat e qeverisë së re me gjasa me 14 ministri, ku mund të plotësohet edhe ideja e hedhur se ministër në qeverinë e tij do të ketë emra të rinj, si dhe përfaqësues nga 12 qarqet e Shqipërisë.

Të fundit

Bashkia e Tiranës jep 1200 kredi të buta për familjet dhe çiftet e reja

Gjatë fjalës së tij në dëgjesën e radhës për buxhetin e Bashkisë së Tiranës për vitin 2025, kryebashkiaku Erion...

Koha kur Parashqevia nisej në Korçë për koncert, por përfundonte maleve në zbor

E shkëputur nga Shqipëria dhe publiku që e duartrokiti për vite me radhë, këngëtarja Parashqevi Simaku është rikthyer në vëmendjen e publikut. Një foto e rrallë tregon...

Spahiu: Nëse SHBA s’heq Non-Gratën, demokratët do bëhen kundër Trump apo kundër Berishës?

Në 'Frontline Interview' me Marsela Karapançon, juristi Kreshnik Spahiu ngriti pyetjen se çdo ndodh me demokratët dhe militantët nëse Trump dhe SHBA nuk heqin non gratën...

Si prodhohej municioni dikur? Fabrika e re pritet të jetë gati brenda vitit 2027

Fabrika e municionit në Kosovë pritet të ndërtohet dhe të fillojë prodhimin brenda vitit 2027. Kjo konfirmohet nga Ministria e Mbrojtjes të cilët thonë se...

Rama takim me stafin civil e ushtarak shqiptar në NATO, kryeministri nuk kursen batutat

Kryeministri Edi Rama ka zhvilluar një takim me stafin ushtarak dhe atë civil shqiptar në zyrat e NATO-s në Bruksel. Teksa vlerësoi kontributin e gjithsecilit,...

Lajme të tjera

Web TV