Johan Sebastian Bah, “Babai” i muzikës që vdiq i verbër duke kompozuar

113 563 lexime

106,048FansaPëlqeje

Johan Sebastian Bah lindi më 21 mars 1685 në Eisenach; dhe u nda nga jeta më 28 korrik 1750 në Leipzig.

Njihet si “babai” i muzikës, pasi bazuar në koralet e tija, u vendosën dhe rregullat harmonike të cilat aplikohen edhe sot. Bah ishte një kompozitor gjerman dhe muzikant i periudhës “Baroke”. Ai u njoh më së shumti në jetën e tij si organist, konsulent organosh, dhe kompozitor i veprave në organo në dy zhanret përkatëse: tradicionale të lira si prelude, fantazitë dhe tokatat; si dhe forma të rrepta si Prelude dhe Fuga.

Fillimet
Johan Sebastian Bah, u lind më 21 mars 1685 në një familje muzikantësh, në Aizenah (Eisenach), në Gjermanin e mesme. Ishte i fundit nga tetë fëmijë. Pas vdekjes së prindërve, kur ishte ende i mitur, ai jetoi me vëllain e tij te madh, nga i cili morri mësimet e para në piano. Falë talentit muzikor, sukseseve në mësim dhe zërit të jashtëzakonshëm ai fitoi një bursë për të ndjekur studimet e mëtejshme në shkollën e Shën Majkellit në qytetin e Lyneburgut, në Principatën e Lyneburgut. Nga ky qytet i rëndësishëm i Lidhjes Hansatike, ai pati mundësinë të vizitonte Hamburgun. Atje ai u njoh me shumë vepra. Ndërsa në Cel, një qytet tjetër jo larg Lyneburgut, ai u njoh me muzikën franceze.

Rinia
Në moshën 15 vjecare Bahu braktis shtëpinë e të vëllait të tij në kërkim të një jete më të mirë. Vendoset në Lineburg ku punon pa pushuar për të mbijetuar, dhe vendos kanditaturën për vendin e organistit të Zangerhauzen. Ky vënd do ta ndjekë dhe më vonë në kisha të ndryshme, ku merr edhe kompetenca të tjera si arsye e aftësive të tij organizative dhe njohurive të tij teknike përsa i përket instrumenteve të kishave. Titulli i Kantorit është përputhur me emrin e Bahut.
Si shtatëmbëdhjetë vjeçar, Sebastiani kreu shkollimin. U kthye në vendlindje dhe më 1703 për herë të parë mori vendin e organistit në Arnshtad. Këtu ai u njohë si virtuozë dhe njohës i Orges, mirëpo temperamenti djalosharë i tij shkaktoi që të bije në konflikt me zyret e shërbyese ashtu që Bahu duhet të kalonte në Mylhauzen ku u martua me kushërirën Maria Barabara.
Në moshën 18 vjeçare, tashmë i njohur, zotëron vëndin e organistit në Arnstad, qytetin qe do ta shënjojë atë si për mirë ashtu edhe për keq. Në drejtimin e një kori, të përbërë nga të rinj të së njëjtës moshë me atë, apo dhe më të mëdhenj, ka probleme mosbindjeje, dhe si rezultat sillet shumë ashpër kundër tyre, duke marrë kritika por edhe sulme, akoma edhe nga përgjegjësit e kishës. Nuk tregonte asnjë lloj butësie përsa i përkiste cështjeve të muzikës dhe ishte njëlloj i rreptë edhe me veten e tij gjithashtu. Kërkonte perfeksionin dhe nuk falte as devijimin apo eksperimentimin më të vogël në ligjet dhe rregullat e Artit. Duke parë reagimet dhe pa dashur të bëjë kompromise, vendos të japë dorëheqjen nga drejtimi i korit, diçka që krijoi shumë komente në shoqërinë e vogël të Arnstadit. Për të lehtësuar situatën, Bahu vendos të largohet nga qyteti, dhe kështu i jepet mundësia të ndjekë mësimet e Bukstehunde, një nga muzikantët më të mëdhenj të asaj periudhe.

Lexo edhe :  Kurbin/ Zjarri i ndezur i del jashtë kontrollit dhe djeg ullishtet, procedohet 45-vjeçarja

Martesa
Në vitin 1708, e gjejmë organist dhe drejtor muzike në oborrin e Vajmarit dhe të martuar me Maria Barbarën. Bashkë do të sjellin në jetë shtatë fëmijë nga të cilët vetëm katër do të mbijetojnë. Pas dymbëdhjetë vitesh martesë do të humbë edhe bashkëshorten e tij nga një epidemi vdekjeprurëse. Megjithatë nuk do të pushojë së kompozuari kantatet e tij, ku falenderon Perëndinë por edhe i lutet që ta lehtësojë nga hidhërimet dhe ti falë vdekjen.
Karakteristika e këtij qëndrimi janë kantatat “I shenjtë njeriu që i nënshtrohet testimeve”, “Përjetësia, fjalë që të djeg si rrufeja”, “Pranoj me gëzim të ngre kryqin tim”, por edhe tek “Psherëtimat, lotët e mi”, “Sa hidhërim!”, “Ah, sa e kotë jeta njerëzore”. Por megjithatë nuk tërhiqet. Vazhdon të krijojë dhe të jetojë duke ofruar më të mirën që zotëronte, jo vetëm nga muzika e tij por edhe nëpërmes jetës së tij, ashtu sic tregon gruaja e tij e dytë, Anna Magdalena, me të cilën do të sjellë në jetë 13 fëmijë nga të cilët do të mbijetojnë shtatë.
Por edhe Mylhauzen, Bau nuk arrinte të shpalosej tërësisht dhe brenda një viti zuri vendin e organistit të oborrit dhe u paraqit si muzikant i altarit në kapelën e oborrit të Vajmarës. Pas disa viteve shërbimi të besueshëm, naiv në politik, bie në gërshëra të partive të oborrit. Kështu Bahu ra në duar të hercogut dhe pas katër javësh burg u largua nga oborri.

Karriera
Nami i tij si muzikant i shkëlqyeshëm ishte rritur në mënyrë festive dhe ndërrimi i vendit solli me veti edhe përmirësime. Në dhjetor të 1717-ës Bahu u bë “mjeshtër i kapelës” së oborrit të Leopold të Anhalt-Këtenit (Feurst Leopold von Anhalt-Keothen). Tek ky aristokrat dashamirë i artit, Bahu kishte mundësinë që më intensitet më të lartë të i kushtohet muzikës instrumentale. Këtu ai kompozojë në numër të shumtë pjesë të muzikës për altar dhe për piano. Pas vdekjes së gruas së parë të tij dhe martesës me Ana Magdalenën e lindur Vilken (Wilcken), përgatiti Koncertin e Brandenburgut pastaj Suitat Angleze dhe Suitat Franceze.

Fundi
Në pleqëri, ai u verbua. Vdiq dy vite pasi bëri një operacion të pasuksesshëm në sy më 28 qershor 1750, në moshën 65-vjeçare. Deri në fund të jetës së tij ai kompozoi.


Të fundit

Johan Sebastian Bah, “Babai” i muzikës që vdiq i verbër duke kompozuar

Johan Sebastian Bah lindi më 21 mars 1685 në Eisenach; dhe u nda nga jeta më 28 korrik 1750...

Anastas Angjeli & Adrian Civici/ “PËRBALLË KRIZËS – Sfidat e teorisë dhe politikave ekonomike”

Botimi i një libri të ri, aq më tepër një libri që analizon në këndvështrimin akademik e shkencor realitetin dhe sfidat më të rëndësishme...

Sulmi Nazist mbi Rusinë, Stalini nxjerr urdhrin: Dezertorët pushkatohen

Në korrikun e vitit 1942, gjatë Luftës së Dytë Botërore, udhëheqësi sovjetik Joseph Stalin shpall urdhërin nr. 227 në përgjigje të përparimit të trupave...

“Njeriu Kennewick”, fosili 9 mijë vjeçar që hapi debatet e mëdha në Amerikë

Eshtrat e një njeriu parahistorik gjenden në afërsi të qytetit Kennewick, shteti Washington. Sot ato janë të njohura si Eshtrat e Njeriut Kennewick. Analizat...

Sfida e drejtësisë së re, goditja e të “paprekshmëve”

Drejtësia e re në Shqipëri po hyn në etapën e dytë: një sistem i spastruar nga gjyqtarë dhe prokurorë të korruptuar dhe ndëshkimit të...

Lajme të tjera

Web TV