Prej disa ditësh zjarret kanë pushtuar Shqipërinë, e zonat më problematike po shfaqen në jug të vendit, kryesisht në Gjirokastër dhe Vlorë.
Pavarësisht se ministria e Mbrojtjes deklaron se po punohet për të vënë nën kontroll zjarret, Administrata Rajonale e Zonave tee Mbrojtura në Vloree shprehet se flakët po kërcënojnë.
“Zjarri në pjesën perëndimore të gadishullit, vazhdon të kërcënojë rrezikshëm Parkun Kombëtar të “Llogorasë”. Ndërhyrja është përqëndruar për kontrollin e këtij rreziku dhe shmangien e zjarrit në zonën e pyllit halorë!Flakët në pyllin me pisha, në terrene të paaksesueshme nga mjetet zjarrëfikëse janë të pamundur për tu kontrolluar! Ndërkohë që zjarr është shfaqur edhe në pyllin e Pishë Poros në PM Vjosë-Nartë, i vendosur nën kontroll me mbështetjen e forcave zjarrëfikse.
Lutemi të gjithë banorëve dhe përdoruesve të territorit të jenë bashkëpunues në këtë situatë emergjence, ku cdo pakujdesi mund të sjellë pasoja të parikuperueshme për natyrën por edhe për jetët njerëzore!”, thuhet në njoftimin e tyre.
Më tej atë bëjnë apel se “Zjarri është një forcë e pakontrollueshme, kujdesuni për të mbrojtur veten, të tjerët dhe natyrën! Në cdo rast konstatimi të zjarreve lutemi të njoftoni sa më parë #Shërbimet_Zjarrëfikse #AdZM #Policinë në stacionet më të afërta! #Kujdes”.
