Deklarata e ekipit të Barcelonës se Leo Messi nuk do të rinovojë kontratën e tij për shkak të pengesave financiare, tronditi botën e futbollit mbrëmjen e djeshme.
Futbollisti argjentinas është tashmë i lirë për të vendosur me cilin klub do të nënshkruajë për sezonin e ardhshëm , pas dy dekadash si lojtar i Barçës.
Sipas skenareve dy janë kandidatët kryesorë të cilët mund të lidhin kontratë me një prej sportistëve më të mirë në historinë e futbollit.
Varianti i parë është që ylli argjentinas të luajë për francezët e PSG-së. Parizienët edhe më herët kanë tentuar të arrijnë një kontratë me Messin, por kjo nuk është arritur të konkretizohet. Fakti që klubin e drejton një argjentinas dhe vetë Messi ka marrëdhënie të mira me shumë prej lojtarëve që janë bashkëpatriotë mund ta çojë atë drejt PSG.
Variant i dytë është Manchester City, i përfolur prej kohësh si një alternativë e “Pleshtit”, për shkak se lojtari është një njohje e vjetër i Pepae Guardiola, që ka drejtuar më parë Barcelonën.
