Largimi i Messit mund t’i kushtojë Barcelonës 137 milionë euro

Largimi i Leo Messit mund t’i kushtojë Barcelonës një humbje prej 137 milion eurosh kjo sipas një llogaritje të bërë nga “Brand Finance”.

Por një ulje e tillë do të thotë një rënie prej 11% në krahasim me vlerën aktuale prej 1,266 milionë eurosh. Në këtë rënie do të ndikojnë të ardhurat komerciale të klubit të cilat do të reduktoheshin me 77 milionë, shitjet e bluzave dhe produkteve të tjera të marketingut ku humbasin 43 milionë eurosh. Pjesa tjetër me të cilin Barcelona do të humbiste para do të jenë të ardhurat për ditën e ndeshjes dhe rezultatet në fushë një rënie prej 17 milionë eurosh.

Sipas raportit “Brand Finance” Barcelona është marka e dytë më e vlefshme e klubeve të futbollit në botë, e tejkaluar vetëm nga Real Madrid, me 1,276 milionë. Teresa de Lemus, CEO e Brand Finance Spain tha:

Prania e Messit në Barcelonë padyshim i ka lejuar klubit të tërheqë tifozë, abonentë, lojtarë më të mirë, menaxherë, marrëveshje biznesi dhe të fitojë trofe. Largimi i tij mund t’i kushtojë klubit shumë dhe të shkaktojë një rënie të madhe të vlerës së markës.