Presidenti i SHBA, Joe Biden ka dalë sërish në një konferencë për mediat, ku po flet për situatën në Afganistan.
Krah Kamala Harris dhe Antony Blinken, presidenti u zotua se do të nxjerrë jashtë Afganistanit çdo shtetas amerikan.
“Më lejoni të jem i qartë. Çdo amerikan që dëshiron të kthehet në shtëpi ne do t’ju çojmë në shtëpi,” – tha Biden.
Pavarësisht këtij zotimi, Biden nuk premton se si do të përfundojë operacioni i gjerë i evakuimit. “Nuk mund të premtoj se cili do të jetë rezultati përfundimtar”– shtoi Biden.
Ai u shpreh dje u evakuuan 5,700 persona, përfshirë 169 amerikanë.
Biden thotë se Shtetet e Bashkuara janë në “kontakt të vazhdueshëm” me talebanët.
Ai thotë se grupit militant që tani kontrollon vendin i është thënë se ata mund të presin një “përgjigje të shpejtë dhe të fuqishme” nga SHBA, nëse ata angazhohen në ndonjë sulm ndaj amerikanëve.
Ai gjithashtu zotohet se zyrtarët po qendrojnë vigjilent për ndonjë sulm të mundshëm terrorist, duke marrë shkas nga zbazja e burgjeve që bënë talebanët. Dyshohet se militantë të ISIS dhe Al-Kaidës janë liruar nga talebanët.
Aktualisht në aeroportin e Kabulit ndodhen 5000 trupa amerikanë, numër që pritet të shkojë në 6000 në orët në vijim.
