Një aksident i rëndë ka ndodhur pasditen e sotme në aksin e vjetër Lezhë-Milot, ku një mjet ka humbur kontrollin edhe është përplasur me murin rrethues të një shtëpie në fshatin Manati.
Policia njofton se ka ndërruar jetë drejtuesi i mjetit Paulin Gjomarkaj, 38 vjeç, ndërsa i plagosur ka mbetur N.Gj., 27 vjeç.
“Në aksin e vjetër Lezhë- Milot, në fshatin Manati , Lezhë, mjeti me drejtues shtetasin P.Gj., 38 vjeç, ka humbur kontrollin e mjetit duke dalë nga rruga dhe është përplasur me bordurën anësore.
Si pasojë e përplasjes ka humbur jetën drejtuesi i mjetit dhe ka marrë dëmtime dhe është transportuar në spitalin Rajonal Lezhë shtetasi N.Gj., 27 vjeç, i cili ndodhej pasagjer në këtë mjet.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes”, njofton policia.
