Prej dy ditësh banorët e disa pallateve nga ‘Shkolla e Baletit’ deri tek ‘Fushat e Ali Demit’ janë pa ujë. Për shkaqe të panjohura në çezmat e këtyre pallateve nuk pikon asnjë pikë uji.
Ankesat e banorëve të rrugës Shyqyri Ishmi në Ali Dem janë të shumta për mungesën e zgjatur të ujit dhe mbi të gjitha kërkojnë një zgjidhje përfundimtare pasi janë taksapagues të rregullt.
Drejtoria e Ujësjellësit ende nuk ka dhënë një qartësim për banorët e kësaj lagjeje të cilët meritojnë një përgjigje për atë çfarë po ndodh. Pritet ende një reagim për zgjidhjen e menjëhershme të këtij problem që duket se do të zgjasë për disa ditë me radhë.
