Dhuna ndaj gruas nuk ka të sosur, ku raste e vrasjes së tyre thuajse po bëhen të përditshme. Pas ngjarjes tragjike në Fier ku burri vrau ish bashkëshorten, një tjetër rast i rëndë është shënuar në Divjakë. Burri Hekuran Rrasa, 58 vjeç, ka vrarë me armë gjahu në banesë gruan e tij Fëllënxë Rrasa, 45 vjeçe.
Pas këtij akti të rëndë, 58-vjeçari më pas ka vrarë dhe veten. Ngjarja e rëndë ndodhi në fshatin Babunjë të Divjakës.
Në vendngjarje është gjetur dhe sekuestruar në cilësinë e provës materiale arma e gjahut.
Grupi hetimor nën drejtimin e Prokurorisë së Rrethit Gjyqësor Lushnjë vijon punën për sqarimin e plotë të rrethanave të ngjarjes.
