Një gol i Guye në pjesën e parë dhe një tjetër i Messit në pjesën e dytë i dhanë fitoren 2-0 PSG-së përballë Manchester City-t në kryendeshjen e javës së dytë të Champions League.
Ky ishte goli i parë i Messit me parizienët, që duket se ka hedhur pas krahëve përplasjet me trajnerin Pocettino dhe “dëmtimin” që shumë tifozë e hodhën në mëdyshje pas atij zëvendësimi ndaj Club Brugge.
Argjentinasi zhvilloi një ndeshje të mirë, ndërsa në fushë u shfaq edhe sherri Neymar-Mbappe, me dy lojtarët që kombinuan me njëri-tjetrin shumë pak gjatë ndeshjes.
Surprizën e mbrëmjes e bëri skuadra modeste e Sheriff Tiraspol, që mposhti Realin me rezultatin 2-1 brenda në Madrid me gola të Jakshibaiev dhe Thill. Për Real shënoi Benzema.
Një penallti në minutat e fundit i hoqi një pikë të vlefshme Milanit nda Atletikos së Madridit. Ndeshja u mbyll 1-2 për spanjollët, ndërkohë që kuqezinjtë luajtën për më shumë se 60 minuta me 10 lojtarë pas dy të verdhëve të marrë nga Kessie.
Në ndeshjet e tjera, Liverpul fitoi 5-1 në transfertë ndaj Portos dhe Club Brugge mposhti Leipzig po në transfertë me rezultatin 2-1.
