Monica Bellucci, e njohur kryesisht për bukurinë e saj të përjetshme, është një nga ato gra që mund të bartë të gjitha llojet e modeleve të flokëve.
Me kalimin e viteve aktorja dhe modelja e ka vërtetuar atë duke provuar kaçurrela të gjata dhe të shkurtra, ndërsa nuk ka hezituar të bëhet edhe bionde.
Pamja e saj mahnitëse e ndihmoi atë të zëvendësonte pasarelat e modës me kamera dhe role në ekranet e mëdha.
Ajo “u zbulua” në botën e filmit në vitin 1995, duke luajtur në filmin “L’Appartement”, gjatë xhirimeve të të cilit u takua me ish-bashkëshortin e saj Vincent Cassel dhe atëherë filloi karrierën e saj ndërkombëtare.
Falë bukurisë së saj, ajo u shpall “gruaja më seksi në botë” në vitin 2008 dhe “gruaja më e bukur në botë” në vitin 2009.
Aktorja 57-vjeçare ka provuar gjithçka: flokë të gjatë, balluke, kaçurrela, dhe disa vjet më parë ajo provoi bob të shkurtër dhe të shkallëzuar.
Galeria e fotografive ndjek në mënyrë kronologjike të gjitha ndryshimet e flokëve të saj, duke filluar me flokë të gjatë nga fillimi i viteve ’90, më pas me balluke, bob të shkurtër e deri te kaçurrelat blu.
