Progres-raporti i KE, Xhaçka: Shqipëria gati të ulet në tryezën e bisedimeve

113 563 lexime

106,048FansaPëlqeje

Ministrja për Europën dhe Punët e Jashtme Olta Xhaçka ka reaguar pas publikimit të progres-raportit të Komisionit Europian i cili ka sugjeruar hapjen e negociatave për Shqipërinë.

“Të gjitha arritjet janë provë e qartë e punës dhe vullnetit të qeverisë për të luftuar korrupsionin dhe krimin e organizuar. Në raportin e ODHIR vlerësohet se reforma elektorale u krye në përputhje me rekomandimet e ODHIR. Sigurisht ka vend për përmirësim të mëtejshëm.  E rëndësishme është se akuzat po hetohen në mënyrë që të mos mbetemi në rrafshin e akuzave.

Jemi të vetëdijshëm që ka ende punë por besoj se ky raport është konfirmim për punën e thellë për administratën. Raporti ka gjetje edhe për ekonominë dhe mënyrën si është përballur nga qeveria tërmeti dhe pandemia. Ai konfirmon që ekonomia ka rifilluar ringritjen që në gjysmën e dytë të vitit 2020. Kjo lidhet me punën e këtij dikasteri”, u shpreh ajo.

Xhaçka ceku disa nga sektorët ku janë bërë përparime, duke nënvizuar Shqipëria është gati të ulet në tryezën e bisedimeve brenda këtij viti. Ajo u shpreh se çdo vonesë tjetër do të kishte ndikim negativ në besueshmërinë e vetë Bashkimit Europian.

“Mbrojtja e pakicave kombëtare. Edhe pse Shqipëria është vend model sa i takon mbrojtjes për minoritet duhet të zbatojnë aktet nënligjore për zbatimin e reformës kuadër për çështjen e minoriteteve. Siç e thashë këto pika, apo ndonjë pikë tjetër që vlerësohet që progresi nuk ka qenë i kënaqshëm apo që janë ngritur pikëpyetje, do të hetohet,. Shqipëria është gati për të filluar procesin e bisedimeve.

Ndërkohë që jemi gati për të hedhur hapin e radhës në procesin e integrimit, ndajmë të njëjtin qëndrim që konferenca duhet të zhvillohet sa më shpejt të jetë e mundur. Çdo vonesë ka ndikim negativ në besueshmërinë e vetë unionit. Angazhimi ynë do të fillojë për të jetësuar premtimin e rikonfirmuar për perspektivën europiane të rajonit tonë. Shqipëria duhet të ulet në tryezën e bisedimeve me BE, brenda këtij viti”, deklaroi Xhaçka.


Të fundit

Ambasadorja Kim takim me Mirela Kumbaron: Shqipëria potencial si destinacion turistik i klasit botëror

Ambasadorja e SHBA në Shqipëri Yuri Kim është takuar pasditen e sotme me ministren e Turizmit dhe Mjedisit Mirela...

Progres-raporti i KE, Xhaçka: Shqipëria gati të ulet në tryezën e bisedimeve

Ministrja për Europën dhe Punët e Jashtme Olta Xhaçka ka reaguar pas publikimit të progres-raportit të Komisionit Europian i cili ka sugjeruar hapjen e negociatave...

“E moshuara e vitit”, mbretëresha Elizabeth refuzon çmimin: Nuk i plotësoj kriteret, jam aq sa ndihem

Mbretëresha 95-vjeçare Elizabeth , e cila ka qenë në fronin britanik për gati 70 vjet, thotë se ndihet shumë e re për të marrë...

Kushi thirrje studentëve: Vaksinimi nuk shërben vetëm për të hyrë në auditore, por mbron shëndetin

Ministrja e Arsimit dhe Sportit Evis Kushi, ka zhvilluar ditën e sotme një vizitë në ambientet e Universitetin Politeknik të Tiranës dhe Universitetin e...

E rëndë/ Italiani mbante për dy vite në dollap trupin e pajetë të nënës së tij

Një ngjarje e pazakonte është zbuluar në Itali, pasi një 50-vjeçar ka mbajtur në dollap trupin e nënës së tij për dy vite me...

Lajme të tjera

Web TV