Doza e tretë Pfizer rriti me 50 herë antitrupat dhe aftësinë neutralizuese të tyre ndaj virusit që shkakton Covid-19 te punonjësit e shëndetësisë që e morën 8 muaj pas dozës së dytë.
Ky është rezultati i në studimi të kryer në Izrael nga mekët Esther Saiag dhe David Bomze, e të publikuar në revistën shkencore “Lancet Microbe”.
Në studim u përfshinë të dhënat për 364 punonjës të shëndetësisë në Izrael.
“Punonjësit e shëndetësisë në këtë rast janë unikë. Ata priren që të jenë më të shëndetshëm dhe më aktivë se qytetarët e tjerë dhe për shkak të pozicionit e rolit gjatë pandemisë ishin ndër të parë që morën vaksinat”, thotë mjekja Saiaga.
Izraeli e nisi fushatën e vaksinimit më 20 dhjetor 2020 për punonjësit e shëndetësisë. Fushata përfshiu të dyja dozat. Tetë muaj më vonë ata morën dozën e tretë përforcuese, ku Izraeli ishte shteti i parë që e miratoi.
Në muajin gusht, niveli i antitrupave te personeli mjekësor i vaksinuar me të dyja dozat që prej muajit janar ishte mesatarisht 3,67. Megjithëse niveli i antitrupave nuk tregon plotësisht aftësinë e organizmit për t’u mbrojtur nga infeksioni, pasi një rol të madh luan edhe memoria e qelizave, ky nivel u vlerësua shumë i ulët.
Por, studimi vuri re se 10 ditë pasi ishin inektuar me dozën e tretë, që nisi po në muajin gusht, stafi mjekësor i studiuar raportoi një nivel antitrupash mesatar prej më shumë se 150. Shifra u gjet në thuajse 96 për qind të 364 personave të përfshirë në këtë studim.
