Debati për vettingun e politikanëve të propozuar nga PD, ka sjellë një përplasje mes analistit Lorenc Vangjeli dhe sekretarit të Përgjithshëm të PD-së Gazment Bardhit, i cili tha se në zyrën e kryeministrit hyjnë trafikantë droge.
Vangjeli i kujtoi Bardhit vrasjen në Elbasanit të Pjerin Xhuvanit, pak ditë para zgjedhjeve të 25 prillit, duke i thënë se ai ka folur në telefon me vrasësin para dhe pas krimit. Bardhi nuk i ka pranuar akuzat dhe tha se ai po gënjen publikisht.
Bardhi: Nuk është e vërtetë.
Vangjeli: Keni folur në telefon, e keni pranuar publikisht
Bardhi: Nuk kam pasur asnjë kontakt me të
Vangjeli: Po ju dolët dhe thashë që ishte heroi.
Bardhi: Ti ngrite një akuzë të pavërtetë. Është gënjeshtër.
Vangjeli: Shefi politik ishte ti i atij grupi që ishte si grup kriminal në mes të qytetit
Bardhi: E kishte ngritur Taulant Balla që ti nuk ke guxim t’i përmendësh emrin.
Vangjeli: Unë nuk të thashë që je fajtor për të
Bardhi: Ti gënjeve publikisht. Kush je ti që më akuzon mua?
Vangjeli: Unë jam qytetar.
Kujtojmë se me 21 prill, në mes të qytetit u vra Pjerin Xhuvani, nga Arbër Paplekaj, i cili ishte pjesë e SMV-së, struktura për mbrojtjen e votës e krijuar nga PD. Paplekaj u vetëdorëzua pas krimit të rëndë, ndërkohë që vrasja ende është në hetim.
