Mbretëresha e Britanisë, Elizabeth është këshilluar nga mjekët të pushojë për dy javët e ardhshme dhe nuk do të kryejë vizita zyrtare gjatë kësaj kohe, tha Buckingham Palace. Sipas mediave të huaja, në një deklaratë, pallati tha se monarku mund të ndërmarrë ende disa detyra të lehta, duke përfshirë audiencën virtuale.
“Mjekët e Madhërisë së Saj kanë këshilluar se ajo duhet të vazhdojë të pushojë për të paktën dy javët e ardhshme. Ata këshilluan se ajo mund të vazhdojë të kryej detyra të lehta.”-tha pallati në deklaratën e së premtes.
Natyrisht, ky njoftim ngre shqetësime për shëndetin e Mbretëreshës Elizabeth. Mbretëresha është duke u rikuperuar në Kështjellën Windsor për dhjetë ditët e fundit, pas shtrimit në spital javën e kaluar, kur anuloi një udhëtim në Irlandën e Veriut.
