Kryetari i grupit Parlamentar në Partinë Socialiste Taulant Balla ka vlerësuar bashkëpunimin me PD-në për Reformën Zgjedhore, ndërsa ka njoftuar nga Patosi edhe për ngritjen dhe miratimin e Komisionit të Posaçëm të Reformës Zgjedhore.
‘Ne kemi dakordësinë e plotë të kësaj reforme, por në javën e ardhshme do të kemi edhe përbërjen e këtij komisioni. Në ditën e hënë presim të institucionalizohet edhe zgjedhja e dy bashkëkryetarëve nga PD dhe nga PS, si dhe ulja në tryezë dhe diskutimet për propozimet që PD ka bërë tashmë publike. Edhe unë si kreu i grupit të PS-së, por edhe kryeministri Edi Rama, jemi shprehur të gatshëm për dialog me opozitën për Reformën Zgjedhore.’- tha Balla
