Rileximi i komedisë “Prefekti” nga Teatri Kombëtar, ku vihet në lojë prefekti Qazim Mulleti ka rindezur debatin mbi veprat e kohës së regjimit komunist që denigron disa prej figurave historike.
Kritikët e kundërshtuan, pasi sipas tyre, vepra u shkrua me qëllim politik në komunizëm dhe denigron figurën e Qazim Mulletit, i cili ka qenë prefekt i Tiranës.
Kështu debati për Qazim Mulletin ka risjellë edhe njëherë detaje të së shkuarës dhe jetës së tij. Në kuadër të ketyre ngjarjeve, është publikuar edhe foto e urdhrit të Qazim Mulletit për një grup të burgosurish, të cilët asokohe tentuan të arratisen.
Këta të fundit kishin hapur një vrimë për të mundësuar arratisjen dhe pasi u zbuluan, nuk tregonin detaje rreth saj. Për këtë gjë, Qazim Mulleti urdhëroi që të burgosurve të mos u jepet, as bukë as ujë derisa ata të tregonin.
“T’u pritet buka dhe uji derisa të gjendet autori i hapjes së vrimës”, shkruhet ndër të tjera në dokument.
Fjala.al ka siguruar foton e këtij dokumenti, e cila është e bashkangjitur më poshtë:
