Sot në Tiranë mbërrin i dërguari i SHBA, Gabriel Escobar, ku do të zhvillojë takime me kryeministrin Rama, kryedemokratin Basha dhe ministren Xhaçka. Çfarë pritet të ndodhë dhe dy mesazhet për shpalljet “non grata” dhe zhvillimet në PD.
I dërguari i Shteteve të Bashkuara të Amerikës për Ballkanin perëndimor Gabriele Escobar mbërrin sot në Tiranë me një agjendë takimesh me tre personalitete: Kryeministrin Edi Rama, kryedemokratin Lulzim Basha si dhe me ministren e Jashtme Olta Xhaçka. Ajo që bie në sy në agjendën e publikuar është se Escobar nuk ka për të thënë asnjë fjalë për media dhe publikun shqiptar. Në çantën e Escobar nuk i dihet çfarë ka të përgatitur: Do të ketë një listë me persona që do të shpallen “non grata”, apo do të ketë mesazhe të forta për 11 Dhjetorin e Sali Berishës?! Disa ditë më parë ai ka qenë në një tur në Ballkanin Perëndimor. Por asgjë nuk është e sigurt. Aq sa mund të zbulohet mund të jetë një reagim e Ambasadës Amerikane në lidhje me të dërguarin e SHBA-së. Por kjo e fundit ka shkruar se korrupsioni dhe minimi i demokracisë janë shtyllat kryesore që SHBA do t’i dënojë. Fakti që vjen dy ditë para Kuvendit të Berishës, i cili u shpall “non grata” nga Shtetet e Bashkuara të Amerikës, mund të sjellë sinjale për të konfirmuar vendosmërinë amerikane për të luftuar korrupsionin, pandëshkueshmërinë dhe përpjekjet për të minuar demokracinë në Ballkanin Perëndimor. Duket si një mesazh i drejtëpërdrejtë ndaj Berishës nga ambasada e SHBA në këtë javë vendimtare të luftës së tij, jo vetëm kundër Lulzim Bashës, por edhe vendimit të Shteteve të Bashkuara të Amerikës. Këto ditë janë shumë të rëndësishme për Partinë Demokratike. Kujtojmë se zgjedhja e Sali Berishës në krye të Partisë Demokratike do të bëntë forcën më të madhe opozitare në vend ‘non grata’ në SHBA, sipas një deklarate të ambasadores së Shteteve të Bashkuara të Amerikës, Yuri Kim.
Yuri Kim
Ambasadorja amerikane në Tiranë Yuri Kim ka reaguar pas sanksioneve të vendosur ndaj një grupi serb që vepron në Veri të Kosovës. Në një postim në “Tëitter” teksa shpërndan deklaratën e Departamentit Amerikan të Shtetit, Yuri Kim thekson se qeveria amerikane do të intensifikojë hapat për të mbajtur përgjegjës ata që janë të përfshirë në korrupsion. Ajo ka dhënë një paralajmërim për ata që janë të përfshirë në korrupsion ose përpjekje për të minuar demokracinë, duke iu thënë se tani është koha më e mirë për të ndaluar. “Përpara Ditës Kundër Korrupsionit dhe Samitit për Demokraci, Thesari i SHBA OFAC lëshoi emërtimet e reja. Pas urdhrit ekzekutiv të Presidentit Biden, qeveria amerikane do të intensifikojë hapat për të mbajtur përgjegjës ata që janë të përfshirë në korrupsion ose minimin e demokracisë. Emërtimet si ky ndonjëherë kërkojnë vite për t’u ndërtuar, por kur ndodhin ato janë shkatërruese. Nëse jeni të përfshirë në korrupsion ose përpjekje për të minuar demokracinë, tani është koha e mirë për të ndaluar dhe për të marrë parasysh pasojat”, deklaron Yuri Kim. Ndër mbrëmjen e djeshme, Kim ka dalë me një tjetër reagim që lidhet me fatin e të korruptuarve të vendin tonë. Kim, tha se urdhri ekzekutiv i presidentit Biden kundër një grupi të strukturuar kriminal në Kosovë, dhe një tjetri në El Salvador kanë pasoja shkatërrimtare për ata që kryejnë korrupsion apo minojnë demokracinë. “Përcaktime publike të tilla ndonjëherë duan vite për t’u realizuar, por kur ndodhin janë shkatërruese. Nëse jeni të përfshirë në korrupsion apo përpjekje për të minuar demokracinë, tani është koha e duhur për t’u ndalur dhe për të marrë parasysh pasojat”, shkroi Kim në Tëitter. Ashtu siç e paralajmëroi disa ditë më parë me prezantimin e strategjisë së luftës kundër korrupsionit, Shtetet e Bashkuara të Amerikës kanë vendosur sanksione ndaj 16 personave dhe 12 entiteteve të ndryshme të përfshirë në aktivitet kriminal në vende të ndryshme të botës.
Shpallen “non ngata” nga SHBA,
goditet grupi serb në veriun e Kosovës
Shtetet e Bashkuara vendosën të mërkurën sanksione ndaj dhjetëra individëve dhe subjekteve në të gjithë Evropën dhe hemisferën perëndimore, duke shënjestëruar një grup të krimit të organizuar me seli në veriun e Kosovës. Zvonko Veselinoviç ishte i pari në syrin e zyrës së Kontrollit për Pasuritë e Huaja e Departamentit të Thesarit. Veselinovic udhëheqësi i Grupit të Krimit të Organizuar Zvonko Veselinovic (OCG), është një nga figurat e korruptuara më famëkeqe të Kosovës. OCG e Veselinovic është e angazhuar në një skemë të madhe ryshfeti me zyrtarë të sigurisë kosovare dhe serbe, të cilët lehtësojnë trafikimin e paligjshëm të grupit të mallrave, parave, narkotikëve dhe armëve ndërmjet Kosovës dhe Serbisë. Grupi gjithashtu ka komplotuar me politikanë të ndryshëm në disa marrëveshje quid pro quo, duke përfshirë ryshfetin në fillim të vitit 2019 të zyrtarëve kosovarë të sigurisë për të lejuar operacionet e tyre të kontrabandës ndërmjet Serbisë dhe Kosovës dhe ryshfetin e fundit të vitit 2017 të zyrtarëve kosovarë të sigurisë kufitare për të lejuar kalimin e sigurt për kontrabandistët. Nga fundi i vitit 2017, Veselinovic dhe vëllai i tij Zharko Jovan Veselinovic (Zharko)kishte marrëveshje me politikanët për të ndihmuar partinë e tyre të fitonte zgjedhjet, të siguronte fitore politike për kandidatët e tyre dhe të kontribuonte me shuma të mëdha parash për kandidatët. Në këmbim, këta politikanë do t’u jepnin vëllezërve kontrollin e zonave të caktuara për bizneset e tyre dhe ku ata mund të kryenin aktivitetet e tyre të paligjshme të biznesit pa ndërhyrjen e autoriteteve serbe, dhe gjithashtu do të ofronin informacion të pronarit të biznesit për të mbështetur investimet e biznesit të vëllezërve.
