Kryetari i Partisë Demokratike Lulzim Basha reagon për herë të parë pas incidentit te zyrat e FRPD-së në selinë blu.
I pyetur nga gazetarët për akuzat e Belind Këlliçit se dera e zyrës ishte thyer ndërsa ishin vjedhur edhe sende personale, Basha tha se ishte informuar që zyra ishte hapur nga mbështetësit e Berishës, kjo pasi sipas tyre ishte ndërruar brava.
“Unë jam informuar që dyert i kanë thyer ata që erdhën me zotin Berisha. I kanë thyer se sipas tyre ishte ndërruar brava. Nëse doni të merreni me brava ditën e dytë pas arrestimit të Kokës, dhe unë kërkoj arrestimin e Edi Ramës, syri qoftë, plastë syri i keq. Sa për 18 dhjetorin, ka një PD, ka një Kuvend Kombëtar, ka një Statut, kemi zgjedhur të ardhmen”, deklaroi Basha.
