Gjykatësi Agron Zhukri është përzgjedhur për të shqyrtuar kërkesën e depozituar në gjykatë nga Komisioni i Rithemelimit të PD-së për regjistrimin e ndryshimeve statutore.
Gjykata doli me një njoftim zyrtar lidhur me depozitimin e kërkesës së Komisionit të Rithemelimit për ndryshimet statutore, të vendosura në Kuvendin Kombëtar të 11 dhjetorit.
Në njoftim thuhej se çështja është regjistruar dhe është në pritje për t’ju nënshtruar procesit të shortimit.
Megjithatë, Agron Zhukri është tërhequr nga shqyrtimi i kërkesës për regjistrimin e ndryshimeve statusore.
Fjala.al mëson se Zhukri, ka depozituar kërkesën për tërheqjen e tij, ndërkohë nuk ka asnjë arsye në lidhje me këtë vendim.
Në të kaluarën, Zhukri ka punuar edhe si shofer i Eduart Selamit gjatë viteve 1990-1992.
